أسرع شحن وتوصيل

بنكون مسؤلين عن عملية البيع كاملة عنك من اول شيل الهم فى التخزين لحد تغليف المنتج وخروجه لشركة الشحن وتوصيله على عنوان العميل اللى دخلته

مخزنك عندنا

مش هتحتار تخزن بضاعتك فين .. المنتج اللى بتختار تبيعه بيكون فى مخازننا وبيطلع منها اول ما بتدخل على الموقع ان جالك اوردر مش هتشيل هم تخزين ولا تغليف

منتجات انت اللى بتحدد هامش ربحك فيها

مجموعة مختلفة من المنتجات المطلوبة فى السوق واللى بيعها اسهل مما تتخيل وانت اللى بتحدد نسبة الربح بتاعتك فيها

تحصيل الارباح من العميل

مش بس هنشيل عنك التخزيين والتوصيل لكن كمان هنكون مسؤليين عن التحصيل من العميل .. بيتم اضافة الارباح ليك بعد التحصيل على حسابك وانت فى مكان وكل تجارتك بتتم الكتروني من غير تعب ولا تأخيير ولا صرف مبالغ ضخمة عشان تكبر تجارتك

استلم ربحك فى نفس اليوم

بمجرد تأكيد وصول الاوردر للعميل فى خلال 24 ساعة بيتم اضافة ربحك لحسابك على تجارتك وبمجرد اضافته فى حسابك بتقدر تستلم ارباحك بالطريقة اللى بتحددها سواء علي محفظة فودافون كاش او أورانج كاش أو أتصالات فلوس

خدمة عملاء

هيكون معاك فريق دعم فني على أعلي مستوي .. رد سريع واستجابة اسرع لحل اي مشكلة بتواجهك فى 24 ساعة من وقت استفسارك او مواجهتك لمشكلة فى وصول اي اوردر او لو عندك اي استفسار عن حاجة تخص منتج او تخص المنصة بالكامل

تجارتك هي منصة إلكترونية بتقدم خدمات متكاملة للتاجر من أول توفير المنتج المناسب و التخزين إلى الشحن و التحصيل من العميل

تجارتك هدفها الأساسي أنها تكبر علامتك التجارية بدون اي مصاريف مستخبية أو شروط تصعب عليك العمل

الدروبشيبنج هو نموذج للتجارة الإلكترونية مش بيحتاج فيها المسوق او المتجر إنه يشترى المنتجات ويحتفظ بيها فى مخزنه، بالعكس هو بيبع المنتج بعد ما يضيف هامش ربحه وبيطلب الأوردر من منصة الدروبشيبنج/المورد،، وهما بيكونوا مسئولين عن شحن الأوردر للعميل وبيتم إضافة الأرباح على حساب المسوق او ألمتجر بمجرد تسليم الطلب للعميل

لو جديد عليك انك تبدأ بيزنس تجاري اونلاين .. او خبرتك مش قد كدة فى التجارة عن طريق الانترنت وعايز تبدأ تكبر مع تجارتك كل اللى محتاج تعرفه عشان تبدأ هما 3 خطوات مبسطة .. ( اختار – حمل – بيع )

اختار

اختار المنتج اللى عايز تبدأ تبيعه وتعرضه للعملاء بتوعك ايا كان المكان اللى هتعرض فيه المنتج وادخل جوا صفحة المنتج ده من خلال الضغط عليه

حمل

مع كل منتج هيكون فى عدد كافي من الصور الخاصة بيه واللى شارحه مزاياه وكمان هتلاقي وصف للمنتج .. هنا بتقوم بتحميل الصور او الوصف فى عرض المنتج بتاعك للبيع

بيع

بعد ما اختارت وحملت مش فاضل حاجة غير انك تبيع .. حدد سعر البيع من تجارتك وحدد نسبة ربحك واختار المكان اللى عايز تعرض فيه منتجاتك سواء على صفحات فيس بوك او انستجرام او ماركت بليس .. وابتدي اعرض منتجك مع اول طلب هيجيلك هتبدأ تدخل بيانات العميل بتاعك على موقع تجارتك والطلب هيوصله لحد عنده

الاوردر القطاعي

وهو انك تبيع منتجات مش موجودة عندك من غير ما تشتريها او تخزنها وتبعتلنا بيانات الاوردر نوصلها لعميلك نحصل الفلوس وناخد تمن المنتج وعمولتنا ومصاريف الشحن ونرجعلك المكسب صافي.

الاوردر الجملة

ودي انك تشتري كمية من منتج معين او مجموعة منتجات بسعر الجمله اللي موضح قدامك وعليهم ١٠٪ عمولة ومصاريف الشحن مرة واحدة ونوصلهوملك يبقو عندك في المخزن بتاعك تقدر تتصرف فيهم زي مانتا عايز عشان لو عايز تبيعهم اونلاين وتشحنهم من عندك او تبيعهم اوفلاين، تقدر تعمل ده بكل سهولة

عن طريق الاله الحاسبةالموجودة في صفحة كل منتج. ودي هتقدر من خلالها تحسب صافى ربحك لاى طلب هتعمله بعد خصم قيمته ومصاريف الشحن والعمولة سواء كان الطلب قطاعي او التكلفة النهائية زي ما هتوصلك لو هتطلب جملة. فى الحاسبة هتلاقى سعر مقترح من خلالنا .. يساعدك فى عملية التسعير لما تبيع المنتج ده في حالة البيع قطاعي. والسعر ده استشاري مش اكتر ممكن تزود عليه او تبيع بسعر اقل ده قرارك الكامل. بس احنا جيبنا متوسط سعر بيع القطعة دي اونلاين من البايعين التانيين. وخلينالك بردو الخانة ينفع تعدل عليها عشان تضيف سعرك الخاص وتحسب بنفسك صافى الربح

كل المنتجات المباعة من خلالنا او من خلال شبكة الموردين الخاصة بينا عليها ضمان استبدال واسترجاع في حالة عيوب الصناعة لمدة 14 يوم من تاريخ تسليم الاوردر.

المنتجات المقدمة من شبكة موردين تجارتك بيتم مراجعتها بالتفصيل والتأكد من جودتها ومطابقتها للمواصفات والوصف المكتوب فى صفحة المنتج ولا يقبل اى منتج فى برنامج تجارتك الا بعد استيفائه شروط الجودة بالكامل. وجود المنتجات فى مخازن تجارتك، بيساعد على سرعة التغليف والتسليم لشركات الشحن وبالتالى توصيل المنتجات بشكل سريع جدا للعملاء وبدون اى تأخير او مشاكل. - من اهم شروط قبول المنتجات فى برنامج تجارتك للموردين هو ان يكون سعر الجملة للمنتج منافس جدا، البائع أو المسوق أو المتجر الألكتروني ليه حرية اضافة هامش ربح مريح وتحقيق مكاسب اكبر ومبيعات اكثر. – منتجات تجارتك هى المنتجات الاكثر مبيعا فى السوق المصري، منتجات عليها طلب كبير جدا من العملاء وبتشتغل كويس جدا فى حالة عمل اى نوع من انواع الحملات الاعلانية عليها. اى منتج موجود في مخازن تجارتك هو منتج أعداده متوفرة بنسبة 100% فى مخازنا، يعنى لا يوجد اى فرصة لإلغاء اى طلب لعدم توافر المنتج وده اكيد هيساعدك فى عملية التسويق ويديك حرية زيادة الحملات بدون الخوف من انتهاء او عدم توافر المنتج المطلوب من العميل النهائي

ايه الضمانات اللى تخليني اعمل اعلان ممول لحاجة على الموقع وماخدش الربح بتاعها .. ببساطة انت مقياسك بيكون خبرة العملاء السابقيين ازاي تمت عملية البيع بتاعهم بنجاح واستلمو ارباحهم وزادت كمان وازاي قدرنا في خلال شهور يكون معانا آلاف التجار اللى أسسوا بيزنس كامل من خلالنا .. تجارتك اول منصة إلكترونية بتعزز مفهوم الدروبشيبينج فى مصر واللى مكنش بيلقي اهتمام الا من الدول الاجنبية سابقاً على الرغم انه من اعظم وسائل التجارة ربحاً ونموآ و مستخدم في جميع أنحاء العالم

لإننا بنوفر لكل العملا خدمة الدفع عند الاستلام مش هيحتاج فيزا ولا هيقلق إن الأوردر يتأخر ولا ميجيش وده هيساعدك تزود مبيعاتك وأرباحك عميلك هتكسب ثقته من المرة الأولى، خصوصا لما يعرف إننا بنوفر خدمة استرجاع أو استبدال مش هيتردد ولا حتى مرة واحد هيشترى منك وهو مغمض تجارتك شركة متخصصة فى تسهيل التجارة الإلكترونية، هنشيل عنك هم شراء البضاعة وتخزينها ودربكة ترتيب المنتجات وتصنيفها وتغليفها وعدّها وشحنها لحد ما نوصلها لعميلك ونسلمك أرباحك كل ده من خلال سيستم كامل للمتابعة أونلاين

ممكن تكسب اد ايه من الشغل فى الدروبشيبنج؟

الأرباح المتوقع تحققها من شغلك مع تجارتك

! استخدم حاسبة ربح الدروبشيبنج عشان تتوقع أرباحك اللى ممكن تحققها

لو بيعت منتجات بمتوسط

( أرقام بالجنيه المصري )
جنية 175

بهامش ربح ( نسبة مئوية )
% 35

متوسط عدد بيعاتك شهريا كان

( أرقام بيعاتك )
100 بيعه

متوسط أرباحك شهرياً :
6125 جنية
* متضمة 10% الخاصة بـتجارتك*

مفيش حدود للأرباح .. ابدأ دلوقتى وسيب الباقى علينا عايز تعرف ازاى تحقق كل الأرباح دى؟

ابدأ دلوقتي